Ուկրաինացի փախստականները պետք է աշխատեն. Գերմանիայի փոխկանցլեր

Գերմանիայի փոխկանցլեր, տնտեսական հարցերի և կլիմայի պաշտպանության նախարար Ռոբերտ Հաբեկը հայտարարել է, որ Ուկրաինայից Գերմանիա ժամանած փախստականները պետք է աշխատեն։ Նա իր տեսակետը հայտնել է Welt հեռուստաալիքի եթերում։

Նախարարը խոստովանել է, որ աշխատանքային հավաքագրումը կարող է բարդանալ ընտանեկան հանգամանքների, հիվանդության կամ երեխայի խնամքի կարիքների պատճառով:

«Բայց ընդհանուր առմամբ ավելի լավ է, որ բոլորն աշխատեն. դա ավելի լավ է մարդկանց, մարդկանց ինտեգրման, սոցիալական համակարգի համար», - ասել է նա։ Միևնույն ժամանակ, Հաբեկը թերահավատորեն է վերաբերվել Բրանդենբուրգի դաշնային հողերի վարչապետ Դիտմար Վոյդկեի հայտարարություններին, ով նշել է, որ ուկրաինացի փախստականներին քաղաքացիական նպաստների վճարումն այլևս չի համապատասխանում ներկայիս իրավիճակին։

«Կարծում եմ, որ դա պայմանավորված է Արևելյան Գերմանիայում որոշ կոշտ նախընտրական արշավով, և այն ամբողջությամբ մտածված չէր», - ամփոփել է Գերմանիայի էկոնոմիկայի նախարարը։