Բեյրութում հզոր պայթյուններ են. զոհեր և վիրավորներ կան
Hraparak
20 Սեպտեմբեր 2024 | 18:43
0
Հզոր պայթյուններ են որոտացել Լիբանանի մայրաքաղաք Բեյրութում։
Ըստ իսրայելական աղբյուրների՝ Իսրայելի պաշտպանության բանակը հարվածներ է հասցրել քաղաքին։
Նշվում է նաեւ, որ Իսրայելի ռազմաօդային ուժերի ինքնաթիռները հարձակվել են Լիբանանի մայրաքաղաքի Դահիյա հարավային արվարձանի վրա, որտեղ գտնվում է «Հըզբոլլահ»-ի շտաբը։
Հաղորդվում է կազմակերպության ղեկավարներից մեկի մահվան մասին։
Իսրայելական լրատվամիջոցները գրում են, որ, ըստ նախնական տվյալների, հարձակման թիրախը եղել է հատուկ գործողությունների համար պատասխանատու «Հըզբոլլահ»-ի ղեկավարության և Ջիհադի խորհրդի բարձրաստիճան անդամ Իբրահիմ Ակիլը:
Հավելենք, որ Իսրայելի հարձակման հետևանքով Բեյրութում, վերջին տվյալներով, զոհվել է 8 մարդ, վիրավորվել՝ 59-ը:
Կարծիքներ