«Հրապարակ». Սերժ Սարգսյանի և Գագիկ Խաչատրյանի մտերիմը՝ իրավապահների ուշադրության կենտրոնում
Սերժ Սարգսյանի եւ ՊԵԿ նախկին նախագահ Գագիկ Խաչատրյանի հանրահայտ մերձավոր Վահրամ Գյուրողլյանը հայտնվել է իրավապահների ուշադրության կենտրոնում։ Նա անցնում է ապօրինի ծագման գույքի բռնագանձման գործով, ՊԵԿ նախկին պաշտոնյային, նրա տիկնոջը, որդուն, անգամ զոքանչին ծանուցել են առաջիկա օրերին ներկայանալ ու բացատրություններ տալ իրենց անունով սեփականության օրինականության հետ կապված։
Հիշեցնենք, որ Գյուրողլյանը ՊԵԿ երկարամյա աշխատակիցներից է, եղել է ֆինանսների նախարարության նախաբացթողումային հսկողության վարչության պետը, ապա Բագրատաշենի զննման վարչության պետը։ Նախկինում նրա անունը մամուլում հաճախ էր շրջանառվում «լեւի գործեր» անելու համատեքստում։ Ըստ որոշ աղբյուրների, նա դեռ Սերժ Սարգսյանի ժամանակ խնդիրներ է ունեցել օրենքի հետ եւ հեռացել է Հայաստանից:
Ըստ նույն աղբյուրների՝ Գյուրողլյանը խոշոր բիզնես ունի Վիեննայում:
Կարծիքներ