Վիկտոր Սողոմոնյանը՝ «Էրեբունի պլազայում» կրակոցների մասին

Վիկտոր Սողոմոնյանը՝ «Էրեբունի պլազայում» կրակոցների մասին

Ռոբերտ Քոչարյանի գրասենյակի ղեկավար Վիկտոր Սողոմոնյանը քիչ առաջ լրատվամիջոցների հետ զրույցում ասաց, որ չգիտի դեռ, թե տեղի ունեցած միջադեպը որքանով է կապված իրենց գրասենյակի հետ․

« Այն պահին, երբ տեղի է ունեցել միջադեպը, գրասենյակում ոչ ոք չի եղել, որովհետև ճաշի ժամ էր, հետո չենք կարողացել հետ վերադառնալ և մտնել գրասենյակ , որովհետև ոստիկանությունը արդեն շրջափակել էր ։ Որքանով է այս միջադեպը կապված նախագահ Քոչարյանի գրասենյակի հետ կամ դա ինչքանով է մեզ հետ առնչվում, ես դա հիմա չգիտեմ, ես կգերադասեմ տեղեկությունները ամբողջացնել։ Եթե ինչ-որ բանով այս միջադեպը մեզ առնչվում է, բնականաբար, կմեկնաբանենք և ես հայտարարություն կտարածեմ և ինչ-որ բան կասեմ։ Հիմա որևէ տեղեկություն չունեմ»,- ասաց Սողոմոնյանը, ապա հավելեց,

«Էրեբունի պլազայում գործում են բազմաթիվ հիմնարկներ, դրանցից մեկը նախագահ Քոչարյանի գրասենյակն է, որը գտնվում է 6-րդ հարկում , քանի դեռ չունեմ պաշտոնական տեսակետ ․․․ ենթադրում եմ, որ իրավապահ մարմինները կտան հաղորդագրություն, եթե տեսնեմ իրադարձությունների նկարագիրը, կպարզեմ, թե որքանով է այս իրադարձությունը առնչվում մեր գրասենյակին։ Եթե ես լինեի մեր աջակիցներից մեկը, գուցե ես էլ մեկնաբանեի»։

Հարցին, թե ապահովվա՞ծ է գրասենյակի անվտանգությունը, Սողոմոնյանը պատասխանեց․

« Գրասենյակը «Էրեբունի պլազայում» է գտնվում 12 տարի և ոչ միայն որևէ պրետենզիա չենք ունեցել ․․․ անվտանգության աշխատակիցները «Էրեբունի պլազայինն» են»։