Ավելի քան 300 հազար ոստիկան ապահովում է Իրանի ընտրությունների անվտանգությունը
Hraparak
1 Մարտ 2024 | 12:10
0
«Ընտրությունները կանցնեն ժողովրդի բարձր մասնակցությամբ և դրանց անվտանգությունն ապահովված կլինի»։
Այդ մասին հայտարարել է Իրանի ընտրությունների անվտանգության գարսենյակի ղեկավար և ԻԻՀ ՆԳ փոխնախարար Մաջիդ Միրահմադին։ Նա հավելել է, որ ընտրությունների անվտանգությունը պահպանում է 250- 300 հազար ոստիկան։
«Թշնամին համակողմանի հոգեբանական պատերազմ է վարում, որպեսզի կասկածներ սերմանի մարդկանց սրտերում ու նրանք չգնան ընտրությունների։ Սակայն դրանք հուսահատ ջանքեր են և իրանցիները պետք է անտեսեն այդ գորոծղությունները։ Մենք անշուշտ առաջին իսկ հնարավորության դեպքում առաջին պատմողը կլինենք ու կտեղեկացնենք մեր ազնվագույն ժողովրդին»,-ընդգծել է Միրահմադին։
Կարծիքներ