Պաշտոնական. Քամալա Հարիսը՝ ԱՄՆ նախագահի թեկնածու

ԱՄՆ փոխնախագահ Քամալա Հարիսը, որի թեկնածությունը Դեմոկրատական կուսակցությունից առաջադրվել է նախագահական ընտրություններում և ստացել ԱՄՆ նախագահի Ջո Բայդենի աջակցությունը, առցանց քվեարկության արդյունքներով ստացել է կուսակցության պատվիրակների 99%-ի աջակցությունը։

Ինչպես հետևում է Դեմոկրատական ազգային կոմիտեի նախագահ Ջեյմի Հարիսոնի հայտարարությունից, Հարիսը «ստացել է առցանց քվեարկությանը մասնակցող պատվիրակների 99%-ի աջակցությունը»: 

Նրա հայտարարության համաձայն, որի տեքստը մեջբերում են ամերիկյան լրատվամիջոցները, կուսակցության 4567 պատվիրակներ հանդես են եկել ի պաշտպանություն Հարիսի թեկնածությանը։

CBS-ը նշում է, որ օգոստոսի 5-ին քվեարկության ավարտից հետո Հարիսը հայտարարել է, որ կընդունի իր թեկնածության առաջադրումը նախագահական ընտրություններում։ 

Հարիսը ստացել է 1976 դեմոկրատ պատգամավորի ձայնը, որն անհրաժեշտ էր երկրի բարձրագույն պաշտոնի համար առաջադրումը շահելու համար: Հարիսի առաջադրման հեռավար քվեարկությունը սկսվել է օգոստոսի 1-ին։