Պուգաչովան վերադառնում է Ռուսաստա՞ն. Վոլոչկովայի արձագանքը

Ռուս բալետի պարուհի և հասարակական գործիչ Անաստասիա Վոլոչկովան ասել է, որ դրական է վերաբերվում երգչուհի Ալլա Պուգաչովայի՝ Ռուսաստան վերադառնալու մասին լուրերին։ 
Նրա խոսքով՝ արտիստի ժամանումը լավ նորություն կլինի նրա երկրպագուների համար։
«Եթե Ալլա Բորիսովնան վերադառնա Ռուսաստան, հրաշալի կլինի։ Սա մեծ ուրախություն է նրա երկրպագուների համար, քանի որ բազմաթիվ սերունդներ են մեծացել նրա ստեղծագործական աշխատանքով։ Նա լեգենդար անձնավորություն է, յուրահատուկ արտիստ»,- ասել է Վոլոչկովան։ 
Նրա խոսքով, երգչուհին իրեն ավելի հարմարավետ է զգում Ռուսաստանի Դաշնությունում, քանի որ այս երկիրն իրեն տվել է ամեն ինչ։ Նա հավելել է, որ Արևմուտքի հանդիսատեսը չի կարող փոխարինել Ռուսաստանում երկրպագուներին:

Ավելի վաղ Mash տելեգրամյան ալիքը հայտնել էր, որ պրիմադոնան պատրաստվում է վերադառնալ Ռուսաստան և մենահամերգ տալ։ Այս տեղեկությունը հաստատել է պրոդյուսեր Սերգեյ Դվորցովը՝ հղում անելով արտիստի շրջապատից ստացված տեղեկատվությանը։
Սակայն ավելի ուշ Պուգաչովայի ամուսինը՝ կատակերգու Մաքսիմ Գալկինը* (Ռուսաստանում ճանաչված է որպես օտարերկրյա գործակալ), հերքել է նման տեղեկությունը։