Նոր նախագահ, պարետային ժամ. ի՞նչ է սպասվում Վրաստանին
Hraparak
10 Դեկտեմբեր 2024 | 12:20
0
Վրաստանի կառավարությունը քննարկում է արտակարգ դրություն հայտարարելու և ամբողջ երկրում պարետային ժամ մտցնելու հնարավորությունը։ Այս մասին հաղորդում է ընդդիմադիր Մթավարի Արխի հեռուստաալիքը։
Հեռուստաալիքի տվյալներով՝ իշխող «Վրացական երազանք» կուսակցությունը ծրագրում է դեկտեմբերի 29-ին Վրաստանի նոր նախագահ նշանակել Միխեիլ Կավելաշվիլիին։
Դրանից հետո կուսակցությունը մտադիր է արտակարգ դրության շրջանակներում պարետային ժամ մտցնել։
Երեկ Վրաստանի վարչապետ Իրակլի Կոբախիձեն ասել է, որ Վրաստանի ներքին գործերի նախարարությանը «հինգ օր է պահանջվել բռնություն գործադրելու՝ ընդդիմության կարողությունը չեզոքացնելու համար», ինչը օգնել է «ճնշել երկրում Մայդանի փորձը»։
Կարծիքներ