Գվարդիոլան վստահ է, որ Գարսիան կտեղափոխվի «Բարսելոնա»

«Մանչեսթեր սիթիի» գլխավոր մարզիչ Խոսեպ Գվարդիոլան ակնկալում է, որ պաշտպան Էրիկ Գարսիան կհեռանա թիմից եւ կտեղափոխվի «Բարսելոնա»։ Նա հայտարարել է, որ գրեթե վստահ է Գարսիայի հեռանալու հարցում։

«Գրեթե վստահ եմ, որ նա պատրաստվում է հեռանալ։ Դա տեղի կունենա ձմեռային տրանսֆերային պատուհանի ժամանակ կամ ամռանը, ամեն բան կախված է ակումբներից»,- Sky Sports-ի փոխանցմամբ, ասել է Գվարդիոլան։

Նշենք, որ ավելի վաղ հայտնի էր դարձել, որ կատալոնական ակումբն այնուհանդերձ, որոշել է ձմեռային տրանսֆորային պատուհանի ժամանակ չգնել Գարսիային։ Կատալոնական ակումբում որոշել են սպասել հունիսին, երբ անգլիացիների հետ Գարսիայի ունեցած պայմանագրի ժամկետը կլրանա։