Ինչու՞ է իրանցի գեներալն այցելել ՀՀ-ի և Ադրբեջանի հետ սահման

Ինչու՞ է իրանցի գեներալն այցելել ՀՀ-ի և Ադրբեջանի հետ սահման

Իրանի պահապանների կորպուսի հրամանատար, գեներալ Սարդար Մոհամմադ Փաքփուրն այցելել է Հայաստանի և Ադրբեջանի հետ սահմանային գոտի։ Այդ մասին փոխանցում են իրանական լրատվամիջոցները։

Բարձրաստիճան ռազմական գործիչը զրուցել է զինվորականների հետ, գնահատել նրանց մարտական ​​պատրաստվածության մակարդակն ու բարոյական տրամադրվածությունը։

«Պաշտպանության անվտանգության հարցը չգիտի ցուրտ, շոգ, տոնական և աշխատանքային օրեր: Մենք պետք է լինենք հնարավորինս զգոն և պատրաստված։ Միշտ ուշադիր եղեք այս հարցերին»,- ասել է նա՝ դիմելով զորքերին։

Հիշեցնենք, որ նախօրեին Սենատում լսումների ժամանակ ԱՄՆ պետքարտուղար Էնթոնի Բլինքենը հայտարարել էր, որ Վաշինգտոնը կպաշտպանի Ադրբեջանին՝ Իրանի հետ սահմանին հնարավոր կոնֆլիկտի դեպքում։