Թող ինձ դատի տան. Հրաչյա Սարգսյան
Երեւանի գործակարգավարական խորհրդակցության նիստին Հրաչյա Սարգսյանը անդրադարձավ ինքնակամ կառույցներին։
Նրան զեկուցվեց, որ կառուցողը սեփականության վկայական ունի, բայց շինթույլտվություն չունի, երկու անգամ կասեցվել է շինարարությունը:
«Այսինքն կտուրին սեփականության վկայական ունի՞: Կասեցվել է, բայց էս պահին դրված է: Հիմա 5 անգամ կկասեցնենք, գիշերով կդնեն: Կրա՞կն ենք ընկել: Ամիրյան փողոցի վրա է: Կարելի՞ է էդքան չսիրել Երեւանը, ես չեմ պատկերացնում: Ի՞նչ է թե մի քմ բուդկա ավել ունենա, էնտեղ չուլան երեւի դնեն, զիբիլը լցնեն իրենց էդ բանի մեջ: Ուզում եմ հասկանալ՝ դրանից շենքի մյուս բնակիչների իրավունքները չի խախտվո՞ւմ»,-ասաց քաղաքապետը:
Իրավաբանական վարչության պետ Տարոն Մարգարյանը պատասխանեց. «Կարող է խախտվում է, բայց այդ քաղաքացիները իրենց իրավունքի խախտման համար պետք է դիմեն ինքուրույն»։
Հրաչյա Սարգսյանն էլ արձագանքեց. «Միջանկյալ լուծում գտեք, ամբարձիչը տարեք, ապամոնտաժեք Ամիրյանի վրայից: Ասեք՝ ինչ է պետք, ես անձամբ կգամ այնտեղ: Ես անձամբ կգամ էդ քաղաքացուն կտեսնեմ՝ ինչի՞ է այլանդակում քաղաքը: Ես անձամբ կգամ, թող ինձ դատի տան: Բազմաբնակարան շենքի վրա բուդկա են սարքում»։
Կարծիքներ