Թրա՞մփ, թե՞ Հարիս. Թեյլոր Սվիֆթն արդեն կողմնորոշվել է
Hraparak
11 Սեպտեմբեր 2024 | 16:00
0
Երգչուհի Թեյլոր Սվիֆթը հայտարարել է, որ նախընտրական մրցավազքում պաշտպանում է ԱՄՆ փոխնախագահ, դեմոկրատ թեկնածու Քամալա Հարիսին։ Այս մասին նա գրել է Instagram-ում Հարիսի և հանրապետական թեկնածու, նախկին նախագահ Դոնալդ Թրամփի բանավեճից հետո։
«Ինչպես ձեզնից շատերը, ես դիտեցի այսօրվա բանավեճը: Եթե դեռ չեք արել, հիմա ժամանակն է ուսումնասիրելու, թե այս թեկնածուները որտեղ են կանգնած ձեզ համար ամենակարևոր հարցերի շուրջ: Որպես ընտրող՝ ես անպայման դիտում և կարդում եմ այն ամենը, ինչ նրանք առաջարկում են այս երկրի համար»,- գրել է երգչուհին։
Նա նշել է, որ 2024 թվականի նախագահական ընտրություններում կքվեարկի Քամալա Հարիսի և փոխնախագահի թեկնածու Թիմ Ուոլսի օգտին:
Երգչուհին Հարիսին անվանել է «շնորհալի առաջնորդ». «Ես հավատում եմ, որ մենք կարող ենք շատ ավելիին հասնել այս երկրում, եթե առաջնորդվենք հանգստությամբ, ոչ թե քաոսով»:
Կարծիքներ