Անկարայում ավտոբուսը բախվել է էստակադային․ կա ինը զոհ

Թուրքիայի մայրաքաղաք Անկարայի Փոլաթլի արվարձանում տեղի է ունեցել ծանր ավտովթար։ Ուղեւորների փոխադրող ավտոբուսը, որը մեկնում էր դեպի Էսկիշահիր, արագ ընթանալու ժամանակ բախվել է էստակադային։

Վթարի հետեւանքով զոհվել է ինը մարդ։ Եւս քսանվեց մարդ ստացել է տարբեր ծանրության մարմնական վնասվածք։ Այս մասին հայտնում է TRT Haber-ը։ Տեղի իշխանությունները հայտնել են, որ վթարի վայրում արգելակման հետքեր չեն հայտնաբերվել, ինչը վկայում է այն մասին, որ վարորդը հնարավոր է, որ ղեկին քնել է, եւ դրա հետեւանքով է տեղի ունեցել վթարը։ Իրավապահները պարզում են վթարի պատճառները։ Տուժածները տեղափոխվել են հիվանդանոց։