Կորոնավիրուսի համավարակի հետ կապված մեր գործերը լավ չեն․ վարչապետ

Այսօր կառավարության նիստին վարչապետ Նիկո Փաշինյանն «ավետեց», որ կորոնավիրուսի համավարակի հետ կապված մեր գործերը լավ չեն։

Ապա հիշեցրեց, որ երեկ արձանագրվել է 335 նոր դեպք, իսկ ընդհանուր արձանագրվել է 70 մահ։

Նա նաև նշեց, որ հանրության շրջանում քննարկվում է, թե կառավարությունը մարդկանց փող է տալիս, որ նրանք համաձայնեն դառնալ կորոնավիրուսի պացիենտ։  

Ու դա, ըստ Փաշինյանի, ունի կոնկրետ բացատրություն՝ իբրև թե միջազգային օգնություն ստանալու համար շատ կարևոր է հիվանդների ու մահերի թիվը։

«Ի վերջո, մեր կառավարությունը որևէ մանիպուլյատիվ գործողություն ու տեղեկություն չի փոխանցել հանրությանը։ Իրավիճակը շատ ավելի լուրջ է, քան պատկերացնում ենք, պետք է խստագույն միջոցներ ձեռնարկել»,-ասաց նա՝ ընդգծելով, որ իրենք ոչ մի ոչ ստույգ տեղեկատվություն այս ընթացքում չեն փոխանցել։

Վարչապետը երեկ նկատել էր, որ տաքսիների մեջ չեն պահվում հակահամաճարակային կանոնները։Ուստի հայտարարեց, որ այս առումով պետք է անցնել ավելի խիստ հսկողության։ 

«Պետք է պահել սոցիալական հեռավորություն, իրար հետ շփվելիս պետք է պարտադիր հաղորդակցվել դիմակ կրելով»,-ասաց Նիկոլ Փաշինյանը։