Տեղեկացեք ավելի արագ․ WhatsApp-ում նոր գործառույթ կհայտնվի

WhatsApp-ը նախատեսում է ավելացնել նոր գործառույթ, որը թույլ կտա օգտատերերին դիտել ամրացված հաղորդագրությունները՝ առանց դրանք ամբողջությամբ բացելու։
Այս տեղեկությունը հրապարակվել է WABetaInfo ռեսուրսում։

Նորարարությունը թույլ կտա տեսնել ամրացված հաղորդագրությունների նախադիտումը հենց մեսենջերի էկրանի վերևում: 

Եթե ​​ամրացված հաղորդագրությունը պարունակում է լուսանկար, օգտվողները կկարողանան տեսնել լուսանկարի մանրապատկերը՝ առանց ամբողջ հաղորդագրությունը բացելու: 
Այս ֆունկցիան ավելի հարմար կդարձնի հավելվածի օգտագործումը և թույլ կտա արագ գտնել անհրաժեշտ տեղեկատվությունը:

Տվյալ գործառույթը ներկայում մշակման փուլում է: Ակնկալվում է, որ այն կներառվի Android սարքերի համար WhatsApp-ի ապագա թարմացումներից մեկում։