Բայդենի վարչակազմը Ուկրաինայի հարցով գաղտնի զեկույց է ներկայացրել Կոնգրեսին 

ԱՄՆ նախագահ Ջո Բայդենի վարչակազմը ԱՄՆ Կոնգրեսին է փոխանցել ուկրաինական հակամարտության՝ իր ռազմավարության մասին գաղտնի զեկույցը։ Այս մասին հայտնում է Reuters-ը՝ հղում անելով աղբյուրներին։

Կոնգրեսմենի անանուն օգնականն ասել է, որ երկար սպասված զեկույցը, որը պետք է ներկայացվեր հունիսին, օրենսդիրներին է հասել սեպտեմբերի 9-ին, և նրանք դեռ հնարավորություն չեն ունեցել ծանոթանալ դրան: Այս մասին հաստատել են Reuters-ի երկու այլ աղբյուրներ։

Հակամարտության սկզբից երկուսուկես տարվա ընթացքում Կոնգրեսը հավանություն է տվել Ուկրաինային և դաշնակից երկրներին գրեթե 175 միլիարդ դոլարի տարբեր օգնության հատկացմանը, նշում է գործակալությունը։
Ամիսների ուշացումից հետո Հանրապետականների գլխավորած Ներկայացուցիչների պալատը ապրիլին ընդունեց 95 միլիարդ դոլարի լրացուցիչ ծախսերի օրինագիծը, որը ներառում էր 61 միլիարդ դոլար Ուկրաինայի համար:
Այս օրինագծի շրջանակներում Կոնգրեսը հանձնարարել է նախագահական վարչակազմին մինչև հունիսի սկիզբ ներկայացնել Ուկրաինայի վերաբերյալ մանրամասն ռազմավարություն։

Դեմոկրատները և Կոնգրեսի շատ հանրապետականներ աջակցում են Սպիտակ տան օգնությանը Ուկրաինային, սակայն որոշ հանրապետականներ, ընդգծում է գործակալությունը, քննադատել են վարչակազմի՝ ամերիկյան զենքի օգտագործումը Ռուսաստանի խորքում գտնվող թիրախները խոցելու սահմանափակումը: