Տոնդ շնորհավոր, հայ շինարար
Սիրելի շինարարներ,
Շնորհավորում եմ ձեզ մասնագիտական տոնի՝ շինարարի օրվա առթիվ։ Մաղթում եմ աշխատանքային և ստեղծագործական նորանոր հաջողություններ, առողջություն և անսպառ եռանդ՝ նվիրումով շարունակելու մեր հայրենիք շենացման գործը։
Յուրաքանչյուր մասնագիտական տոն առիթ է հետադարձ հայացք ձգելու անցած ճանապարհին, ունեցած հաջողություններին ու ձեռքբերումներին, առիթ է նաև ծրագրելու հետագա անելիքները։
Իսկ հայ շինարարի մտքի թռիչքն անեզր է, գործը՝ եզակի:
Ժամանակակից տեխնոլոգիաներին և կառավարման համակարգերին տիրապետող նախագծողների, ինժեներ-շինարարների, փորձառու վարպետների շնորհիվ կյանքի են կոչվում բազմաթիվ ծրագրեր՝ ռազմարդյունաբերական, հիդրոտեխնիկական կառույցներ, կառուցվում և հիմնանորոգվում են ճանապարհներ, առողջարապահական կենտրոններ, նոր պահաներով դպրոցներ, մանկապարտեզներ, կրթահամալիրներ: Վերականգնվում և վերակառուցվում են պատմամշակութային ժառանգությունները, լայն թափով իրականացվում են ժամանակակից չափորոշիչներին համապատասխան բնակելի համալիրներ, թաղամասեր:
Շինարարի գործը մեծ պատասխանատվություն է և հարգանք ստեղծված արժեքների նկատմամբ:
Մեկ անգամ ևս շնորհավորելով բոլոր շինարարներին մասնագիտական տոնի առթիվ՝ մաղթում եմ ստեղծագործական միտք, անխոնջ աշխատանք, անսահման ներշնչանք, շինարարության աճող ծավալներ և աշխույժ շինհրապարակներ։
Վստահ եմ, որ կհաղթահարենք դժվարությունները,լավատեսորեն նայելով վաղվա օրվան՝ կիրականացնենք բազում ծրագրեր:
Հայ Շինարարը կառուցել է և պիտի կառուցի իր երկրի, իր ժողովրդի համար, գալիք սերունդներին թողնելով մնայուն արժեքներ:
Գագիկ Գալստյան
Հայաստանի Շինարարների միության նախագահ
Կարծիքներ