«Հրապարակ». Կոչ են անում բոյկոտել Օբամայի այցը
Օրեր առաջ լուր էինք հրապարակել առ այն, որ 2019 թ․ հոկտեմբերին Համաշխարհային IT ֆորումին մասնակցելու համար բավականին խոշոր հոնորարով Հայաստան կայցելի ԱՄՆ նախկին նախագահ Բարաք Օբաման: Լուրը տարածվելուց անմիջապես հետո ամերիկահայ մեր բարեկամները` մասնավորապես Դոնալդ Թրամփի կողմնակիցները, կոչ են անում բոյկոտել Օբամայի այցը եւ բողոքի ակցիաներ կազմակերպել Երեւանում:
Նրանց պնդմամբ՝ չի կարելի թույլ տալ հայոց հող ոտք դնել մի մարդու, ով խոստացել է ճանաչել Հայոց ցեղասպանությունը, սակայն դրժել է խոստումը` նախագահի պաշտոնում ընտրվելուց եւ հայկական ձայները ստանալուց հետո: Թրամփի աջակիցները նաեւ շեշտում են, որ պետք է հաշվի առնել Թրամփի բացասական վերաբերմունքն Օբամայի նկատմամբ, ով ԱՄՆ գործող նախագահի ամենաոխերիմ հակառակորդներից է:
Կարծիքներ