Կոչ են արել անհապաղ օգնություն հատկացնել Աֆղանստանին
Աֆղանստանը եւ վերջինիս հարեւան պետությունները կարիք ունեն անհապաղ հումանիտար օգնության, այլապես անխուսափելի կլինի մարդասիրական աղետը։ Այս մասին հայտարարել է Աֆղանստանի հետ հարաբերությունների հարցերով զբաղվող եվրախորհրդարանական պատվիրակության ղեկավար Պյատրաս Աուշտրավիչուսը։ «Աֆղանստանը գտնվում է մարդասիրական, քաղաքական եւ տնտեսական աղետի շեմին։ Մոտալուտ ձմեռը եւ պարենի պաշարների սպառման հեռանկարը իրավիճակը կարող են դարձնել կատաստրոֆիկ։ Անհրաժեշտ է աջակցել այդ երկրի բնակչությանը՝ հիմնական կարիքների բավարարման հարցում։ Կա խիստ անհրաժեշտություն միացյալ հումանիտար գործողություններ իրականացնելու ԵՄ եւ վերջինիս անդամ երկրների մասնակցությամբ։ Օգնությունը պետք է հատկացվի այնպիսի կազմակերպությունների միջոցով, որոնք կապված չեն թալիբների հետ»,- ասել է եվրապաշտոնյան։ Առնվազն անհրաժեշտ է մեկ միլիարդ եվրո, որպեսզի իրավիճակը աղետի չվերածվի։
Կարծիքներ