Ի՞նչ է կատարվում «Դվինում»

Քիչ առաջ «Դվինում» մեկնարկել  է «Ճանապարհ դեպի սոցիալական արդարություն» միջազգային համաժողովը, որին ներկա է նաև Նիկոլ Փաշինյանը: Թեև մի քանի լրատվամիջոցներ նախապես հավատարմագրված են եղել լուսաբանման համար, սակայն այժմ լրագրողներին թույլ չեն տալիս շենք մտնել: 

Միջոցառմանը մասնակցում են նաև Արաբական ծոցի զարգացման տարածաշրջանային հիմնադրամի և Երեխաների զարգացման արաբական խորհրդի նախագահ, Սաուդյան Արաբիայի արքայազն Աբդուլազիզ բին Թալալ բին Աբդուլազիզ Ալ Սաուդը, Խաղաղության Նոբելյան մրցանակակիր Քայլաշ Սաթյարթին, Ազգային ժողովի նախագահի տեղակալ Հակոբ Արշակյանը, Աշխատանքի և սոցիալական հարցերի նախարար Նարեկ Մկրտչյանը, ԿԳՄՍ նախարար Ժաննա Անդրեասյանը, պետական կառավարման համակարգի ներկայացուցիչներ, պատգամավորներ, ինչպես նաեւ Աննա Հակոբյանը: Փաշինյանը հանդես է եկել ելույթով: