Ռուսները մոտ էին Զելենսկուն գերեվարելուն. Ստոլտենբերգն անկեղծացել է

Ուկրաինայի նախագահ Վլադիմիր Զելենսկին պատերազմի սկսվելուց հետո թաքնվել է բունկերում, ուստի այդ ժամանակ ՆԱՏՕ-ի գլխավոր քարտուղար Ստոլտենբերգը երկու օր չի կարողացել կապ հաստատել նրա հետ։ Այս մասին գրում է բրիտանական Financial Times թերթը։

Հիշելով ուկրաինական պատերազմի մեկնարկից հետո Զելենսկու հետ հեռախոսազրույցը՝ Ստոլտենբերգը բրիտանական հրատարակությանը ասել է, որ «այդ հեռախոսազրույցը բավականին բարդ էր»։

ՆԱՏՕ-ի նախկին գլխավոր քարտուղարը նշել է, որ Զելենսկին իր նախագահության սկզբում քաղաքականության մեջ բացարձակապես անփորձ էր, ինչի պատճառով էլ նրան թերագնահատում էին։ Հայտնի է, որ Ստոլտենբերգի և Զելենսկու առաջին հանդիպումը տեղի է ունեցել 2019 թվականի հունիսին՝ նրա ընտրվելուց ընդամենը շաբաթներ անց։ «Ինձ դուր եկավ, բայց չէի պատկերացնում, որ զորավար է դառնալու։ Նա անփորձ էր։ Նա տվեց ամենապարզ հարցերը: Ես նրան լիովին թերագնահատեցի»,- հիշել է նորվեգացի գործիչը:

Երբ պատերազմը սկսվեց, ռուսները մոտ էին եղել Ուկրաինայի նախագահին գերեվարելուն, համոզված է Ստոլտենբերգը։ «Դա մետաղադրամի նետում էր: Եթե ​​Կիևն ընկներ, և նրանք վերցնեին Զելենսկուն, որին նրանք շատ մոտ էին, ապա ամբողջ պատերազմը բոլորովին այլ կլիներ»,- նշել է հյուսիսատլատնտյան դաշինքի նախկին գլխավոր քարտուղարը։