Կանենք, անվտանգության նորմերը պահելով կանենք
Կրթության, գիտության, սպորտի և մշակույթի նախարար Արայիկ Հարությունյանը հանձնարարել է ԵՊՀ ռեկտորի պաշտոնակատար Գեղամ Գևորգյանին ներկայացնել ԵՊՀ հոգաբարձուների խորհրդի կազմի համալսարանական 8 թեկնածուներին։
Գևորգյանը դրա համար պետք է գիտական խորհրդի նիստ հրավիրի, մինչդեռ հավաքներ իրականացնելը չի թույլատրվում։ Գևորգյանը մեզ հետ զրույցում հաստատեց, որ նման հանձնարարական նախարարից ստացել է, և ասաց, պատրաստվում է գիտխորհրդի նիստ հրավիրել։ Ինչպե՞ս՝ հարցրինք ռեկտորին , չէ՞ որ նախկինում «անվտանգության նկատառումից» ելնելով նիստեր չէին հրավիրում, պատասխանեց՝ «Կանենք, մի անհանգստացեք, անվտանգության նորմերը պահելով կանենք»։
Հիշեցենենք, որ ԵՊՀ հոգաբարձուների խորհուրդ չունի դեռևս մարտի 31-ից՝ շուրջ 2 ամիս, և անհասկանալի է, թե ինչո՞ւ չէր կարելի «անվտանգության նորմերը» պահելով ավելի վաղ անել, ԵՊՀ-ն էլ այժմ կունենար ընտրված ռեկտոր։
Կարծիքներ