Հայ մարզիկներին հրավիրել են օկուպացված Ստեփանակերտ

Հայաստանը դեռ տեղեկատվություն չի տրամադրել ԱՊՀ երկրների III խաղերին մասնակցելու մասին, որոնք կազմակերպվելու են Ադրբեջանում։

Այս մասին լրագրողների հետ հանդիպման ժամանակ հայտարարել է Baku City Circuit շահագործող ընկերության անվտանգության ու գործառնությունների ղեկավար Այգուլ Աղաեւան, հաղորդում են այդ երկրի ԶԼՄ-ները:

«Յուրաքանչյուր միջազգային միջոցառման կանոնների համաձայն՝ կան հրավիրված երկրներ, մենք մեր հրավերներն ուղարկում ենք տարբեր երկրներին»,- ասել է նա։

ԱՊՀ III խաղերը կանցկացվեն սեպտեմբերի 28-ից հոկտեմբերի 8-ը Գյանջայում, Եվլախում, Մինգեչևիրում, Գաբալայում, Շեքիում, Գոյգոլում և օկուպացված Ստեփանակերտում։

Նախատեսվում է մրցումներ կազմակերպել 23 մարզաձեւերում։