ՀՅԴ անդամ Սուրեն Մանուկյանը կալանավորվեց
Երեւան քաղաքի ընդհանուր իրավասության դատարանի դատավոր Տաթեւիկ Մուրադյանը որոշել է կալանավորել ԱԺ նախկին պատգամավոր, ՀՅԴ անդամ Սուրեն Մանուկյանին:
Վերջինիս մեղադրանք է առաջադրվել Ազատ դեմոկրատներ» կուսակցության նախագահ Խաչատուր Քոքոբելյանի հորն առևանգելու դեպքի առթիվ հարուցված քրեական գործի շրջանակներում։
«Չնայած ենթադրյալ կատարված դեպքին առնչությունը հերքող և մասնակցությունը բացառող, պաշտպանական կողմից ներկայացված բազմաթիվ բազմաթիվ փաստերի, դատարանը որոշեց կալանավորել Սուրեն Մանուկյանին։ Կալանավորման որոշման հետ միանշանակ համաձայն չենք, այն համարում ենք անօրինական և անհիմն, հետևաբար այն ստանալուց հետո սահմանված ժամկետում կբողոքարկվի վերաքննիչ քրեական դատարան»,- գրել է նրա պաշտպան Սերգեյ Ոսկանյանը։
Կարծիքներ