Առաջիկա տասնամյակներում այլ հասարակություն չենք ունենալու

Առաջիկա տասնամյակներում այլ հասարակություն չենք ունենալու

ԱԺ «Հայաստան» խմբակցության պատգամավոր Քրիստինե Վարդանյանի գրառումը․

«Հայաստանում տեղեկատվական ահաբեկչություն է։ Ու այս պարագայում մեղադրել այդ ահաբեկչության զոհերին՝ մարդկանց, ում դիտմամբ, օրը 24 ժամ թշնամական երկրի հատուկ ծառայությունները, Հայաստանի ներկա վարչախումբը թիրախավորված ցույց է տալիս հատուկ մշակված նյութեր, համոզում, որ Նախիջևանն ուր որ է ազատագրվում է, իսկ Ալիևն արդեն ծնկի է եկել, ոչ միայն ճիշտ չէ, այլև հեռանկարային չէ։

Մենք առաջիկա տասնամյակներում այլ հասարակություն չենք ունենալու։ Ավելին, ամեն անգամ ընտրություններին, երկիրը պաշտպանելիս մենք դիմում ենք նաև այդ մարդկանց, հաճախ հպարտանում, ոչ առանց պատճառ հերոսացնում ենք նաև այդ մարդկանց։ Ուրեմն՝ պետք է հասկանալ ինչպես կարող ենք աշխատել այդ մարդկանց հետ, ինչպես կարող ենք ճեղքել ահաբեկչական շղթան, ազատագրել իրենց։ Մենք հիմա մեղադրում ենք Իշխանասարում թշնամուն սպասարկողներին քվե տվածներին։ Զայրույթը, իհարկե, հասկանալի է, բայց չենք անդրադառնում, որ այս պայմաններում ամենակարևոր փաստը թշնամու կողմից բռնազավթված Իշխանասարի մոտ ապրել ու արարել շարունակելն է»։