«Հրապարակ». Մեր հարցն «արագացրեց» ԱԱԾ տնօրեն Արթուր Վանեցյանի ազատումը
Երեկ ասուլիսի ընթացքում Նիկոլ Փաշինյանին ուղղված մեր հարցն «արագացրեց» ԱԱԾ տնօրեն Արթուր Վանեցյանի ազատումը։ Մենք հարցրինք՝ ի վերջո, ԱԱԾ տնօրենն իրեն հրաժարականի դիմում ներկայացրե՞լ է․ նման տեղեկություններ էին շրջանառվում մամուլում։ Վարչապետը պատասխանեց․ «ԱԱԾ տնօրենին աշխատանքից ազատելու միջնորդագիրը ես ստորագրել եմ, եւ հրամանագիրը, կարծում եմ, 1-2 օրվա ընթացքում կստորագրվի։ Դա տեղի է ունեցել, կարելի է ասել, ԱԱԾ տնօրենի հետ մի քանի քննարկումների արդյունքում եւ փոխադարձ համաձայնությամբ»։ Իսկ ինչո՞ւ է որոշել ստորագրել դիմումը, դժգո՞հ էր նրա աշխատանքից։ Փաշինյանն ասաց, որ ԱԱԾ տնօրենի աշխատանքն այն աշխատանքը չէ, որի մանրամասները պետք է հրապարակային քննարկել։ Բայց Վանեցյանն ամենաբարձր ռեյտինգ ունեցող պաշտոնյաներից էր։ Վարչապետն ասաց․ «Շատ ավելի լավ»։ Նոր ԱԱԾ տնօրենի մասով էլ Նիկոլ Փաշինյանն ասաց, որ թեկնածուներ կան, բայց դեռ չեն որոշել։
Կարծիքներ