Տասնյակ հազարավոր իսրայելցիներ չեն կարողանում տուն վերադառնալ

Առնվազն 100 հազար իսրայելցիներ չեն կարողանում վերադառնալ երկիր՝ Մերձավոր Արևելքում իրավիճակի վատթարացման ֆոնին դեպի Իսրայել թռիչքների զանգվածային չեղարկման պատճառով, հայտնում է իսրայելական հեռուստատեսությունը։

Հեռուստաալիքի ավիացիոն ոլորտի աղբյուրները նշել են, որ մարդկանց խորհուրդ է տրվել մեկնել Հունաստան կամ Կիպրոս՝ տեղական օդանավակայաններում Իսրայել թռիչքներին միանալու համար:

Նշվում է, որ երկրի ազգային ավիափոխադրող El Al-ը շարունակում է կանոնավոր չվերթներ իրականացնել դեպի Իսրայել և իր չվացուցակում կավելացնի հինգ լրացուցիչ չվերթ՝ օգնելու երկրի քաղաքացիներին վերադառնալ հայրենիք: Իսրայելի ԱԳՆ-ն գործարկել է հատուկ առցանց ծառայություն, որի միջոցով մարդիկ կարող են հայտնել իրենց գտնվելու վայրի մասին և ստանալ լրացուցիչ խորհրդատվություն երկիր վերադառնալու վերաբերյալ: Իսրայելական The Times of Israel թերթի տվյալներով՝ առնվազն 18 միջազգային ավիաընկերություններ չեղարկել են թռիչքները դեպի Թել Ավիվ։