Ռուսաստանն ու Թուրքիան բանակցում են ռազմական նոր մատակարարումների շուրջ

Մոսկվան ու Անկարան բանակցում են ռազմական նոր եւ հեռանկարային սպառազինությունների մատակարարումների շուրջ։ Այս մասին հայտարարել է Ռուսաստանի նախագահը, ամփոփելով Անկարայում կայացած Պուտին-Ռոհանի-Էրդողան եռակողմ հանդիպումը։ Ինչպես փոխանցում է «ՌԻԱ Նովոստի» լրատվական գործակալությունը, Պուտինը մասնավորապես ասել է, որ նախօրեին Ռուսաստանն ավարտել է Թուրքիային Ս-400 համակարգերի մատակարարման երկրորդ փուլը։ ՌԴ նախագահի գնահատմամբ, ռազմա-տեխնիկական համագործակցությունը հաջողությամբ շարժվում է առաջ եւ նոր ու հեռանակարային սպառազինությունների մատակարարման հետ կապված բանակցություններ են ընթանում Մոսկվայի եւ Անկարայի միջեւ։