Էջմիածնում կրակոցներ են հնչել․ կա տուժած
Այսօր էջմիածնում կրակոցներ են հնչել։ Այս մասին մեզ տեղեկացնում են Էջմիածնի մեր աղբյուրները։ Ոստիկանությունից «Հրապարակին» փոխանցեցին, որ ժամը 11-ի սահմաններում Վաղարշապատի բժշկական կենտրոնից ահազանգ է ստացվել, որ հրազենային վնասվածքով տղամարդ է բերվել ԲԿ։
Դեպքը տեղի է ունեցել Սուրբ Հռիփսիմե եկեղեցու հետնամասում գտնվող գերեզմանատանը։ Այս պահին ոստիկանության խմբերը դեպքի վայրում են, ընթանում է դեպքի նախաքննություն։ Դեռևս բերման ենթարկվածներ չկան։
Կրակոցների վերաբերյալ փորձեցինք տեղեկություն ստանալ Էջմիածնի քաղաքապետ Դիանա Գասպարյանից, սակայն նա ասաց, որ կրակոցների վերաբերյալ դեռևս որևէ բան չի լսել։
Կարծիքներ