Փորձել են հրկիզել Մեծ Բրիտանիայի վարչապետի տունը 

Մեծ Բրիտանիայում ձերբակալվել է վարչապետ Քիր Սթարմերի տունը հրկիզելու փորձի մեջ կասկածվողը։ Սքոթլենդ Յարդի ոստիկանությունը ձերբակալել է 21-ամյա մի տղամարդու՝ մարդկանց կյանքը վտանգելու ռիսկով գույքը հրդեհելու կասկածանքով։

Լոնդոնի ոստիկանության դեպարտամենտի հայտարարության համաձայն՝ ձերբակալությունը տեղի է ունեցել մայիսի 13-ի գիշերը։ Ձերբակալվածը կասկածվում է նաև մայրաքաղաքի նույն շրջանում տեղի ունեցած ևս երկու հրկիզման փորձերի մեջ. մեկ դեպքում ներգրավված է եղել մեքենա, մյուսում՝ բնակելի շենք։

Բրիտանական լրատվամիջոցները հաղորդում են, որ Սթարմերի՝ Լոնդոնի հյուսիսում գտնվող մասնավոր տունը, որի արժեքը կազմում է մոտ 2 միլիոն ֆունտ ստեռլինգ (մոտավորապես 2.6 միլիոն դոլար), ենթադրաբար հրկիզման թիրախ է դարձել։ 

Տունը վարձակալության է տրված, քանի որ Սթարմերը և նրա ընտանիքը ապրում են Դաունինգ սթրիթ 10 հասցեում՝ նրա պաշտոնական նստավայրում, երբ նա 2024 թվականի հուլիսին ստանձնեց պաշտոնը։

Դեպքը տեղի է ունեցել երկուշաբթի գիշերը, երբ անհայտ անձը փորձել է հրդեհել տան մուտքի դուռը։ Ականատեսների խոսքով՝ հրդեհից առաջ լսվել է ուժեղ պայթյուն, որը արթնացրել է հարևան տների բնակիչներին։ Զոհեր չկան։

Դեպքը հետաքննում է Սքոթլենդ Յարդի հակաահաբեկչական վարչությունը։