Փոփոխություններ Շենգենյան գոտու վիզա ստանալու կարգի մեջ

Շենգենյան գոտու կարճաժամկետ վիզա ստանալու կարգի մեջ փոփոխություններ են տեղի ունեցել։ Ինչպես հայտնի է վիզայի համար վճարը 60 եվրոյից դառնում է 80 եվրո։

Այս մասին հայտնում է Եվրահանձնաժողովի մամուլի ծառայությունը, միաժամանակ տեղեկացնելով, որ մի շարք երկրների վրա այդ փոփոխությունը չի տարածվի։ Թանկացումը պայմանավորված է հյուպատոսական անձնակազմի բավարար թիվ ապահովելու համար հավելյալ գումարներ ներգրավելու անհրաժեշտության հետ։

Բացի այդ, դրական վիզային պատմություն ունեցողները, ովքեր հաճախ են ճամփորդում, կարող են բազմակի օգտագործման փուլ առ փուլ աճով գործողության ժամկետով վիզա ստանալ՝ 1-5 տարվա կտրվածքով։ Նոր կարգը դեռ պետք է հաստատվի ԵՄ խորհրդի կողմից, ինչից հետո կփոփոխվի ԵՄ ողջ վիզային կոդեքսը։