Գործադուլ, ստորագրահավաք, ապա նաեւ բաց նամակ Նիկոլ Փաշինյանին (լուսանկարներ)

Վաղ առավոտից մշակույթի նախարարության մի քանի տասնյակ աշխատակիցներ նախարարության դռների մոտ գործադուլ էին անում՝ հրաժարվելով ներս մտնել։    

Աշխատակիցների գործադուլը պայմանավորված էր կառավարության այն որոշմամբ, համաձայն որի մի շարք նախարարություններ, այդ թվում մշակույթի նախարարությունը պետք է միացվի մի քանի նախարարությունների։ 

Հենց դրսում էլ աշխատակիցները ստորագրահավաք կազմակերպեցին եւ ՀՀ վարչապետ Նիկոլ Փաշինյանին ուղղված նամակով շարժվեցին դեպի  կառավարություն, որը փոխանցեցին Քաղաքացիների ընդունելության և դիմումների քննարկման վարչություն պետ Ալեքսանդր Ղազարյանին։

Այս պահին գործադուլն ավարտված է եւ աշխատակիցները վերադարձել են աշխատավայրեր։