Բայդենն սկսել է վճարովի ելույթներ ունենալ. որքա՞ն է պահանջում

ԱՄՆ նախկին նախագահ Ջո Բայդենը սկսել է ելույթ ունենալ կորպորատիվ միջոցառումների ժամանակ և 300 հազար դոլար է պահանջում յուրաքանչյուր ելույթի համար։ Սակայն հոգեկան խանգարումներով տառապող Բայդենին վճարելու պատրաստ մարդիկ գործնականում չկան։ Այս մասին հայտնում է New York Post թերթը։

«Ելույթի համար 300,000 դոլար գանձելու Բայդենի փորձը քչերին է գտնում: Նրա նախկին օգնականներից ոմանք ասում են, որ ժամանակն է, որ 82-ամյա գործիչը վերջնականապես հեռանա ուշադրության կենտրոնից: Չիկագոյում հրապարակային ելույթի ժամանակ նա սևամորթ երեխաներին անվանել է «գունավոր», հաղորդում է New York Post-ը:

Աղբյուրը հրապարակմանը հայտնել է, որ CAA (Creative Artists Agency) ստեղծագործական գործակալությունը, որի հետ նախկին նախագահը պայմանագիր ունի, խնդիրներ ունի իր միջոցառումների ամրագրման հարցում։ 

Ընդ որում, Բայդենի հոնորարը 25%-ով ցածր է 400 հազար դոլարից, որը Բարաք Օբաման պահանջել էր իր նախագահությունից հետո։ Բայդենի պայմանագրերի մանրամասներն անհայտ են, սակայն կազմակերպիչները պարտավոր են նրան անձնական ինքնաթիռ տրամադրել և հոգալ թիմի հինգ անդամների ծախսերը:

Հիշեցնենք, օրերս Բայդենն իր առաջին ելույթն էր ունեցել Սպիտակ տնից հեռանալուց հետո՝ Չիկագոյում սոցիալական ապահովության պաշտպանությանը նվիրված համաժողովում։