Իրանի հարվածին սպասելիս. Իսրայելի ղեկավարների համար բունկեր են սարքել

Իսրայելի անվտանգության ընդհանուր ծառայությունը Երուսաղեմի տարածքում ստորգետնյա բունկեր է պատրաստել, որտեղ Իսրայելի ղեկավարությունը կարող է մնալ երկար ժամանակ՝ այնտեղից կառավարելով երկիրը։
Այս մասին հայտնում է Walla պորտալը, փոխանցում է ՏԱՍՍ-ը:

Ըստ աղբյուրի, բունկերը բերվել է աշխատանքային վիճակի՝ լիբանանյան շիական «Հզբոլլահ» շարժման և Իրանի կողմից սպասվող հարձակման լույսի ներքո։
Ինչպես հայտնում է Ynet պորտալը, Երուսաղեմի տարածքում ստորգետնյա բունկեր ստեղծելու որոշումը կայացվել է 2007 թվականին Երկրորդ լիբանանյան պատերազմի արդյունքներով։ Ճգնաժամային կառավարման ազգային կենտրոնը, ինչպես պաշտոնապես կոչվում է այս բունկերը, պաշտպանված է հրթիռային սպառնալիքներից և տարբեր տեսակի զենքերից:

Հայտնի է, որ բունկերը նախատեսված է մի քանի հարյուր մարդու համար։ Այն պարունակում է բնակելի տարածքներ, գրասենյակներ, հանդիպումների սենյակներ և մեկ հրամանատարական կենտրոն, որը կապված է Թել Ավիվում գտնվող հրեական պետական ​​պաշտպանության նախարարության համալիրին:
Երուսաղեմի տարածքում գտնվող բունկերը 2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից և Գազայի հատվածում ռազմական գործողության մեկնարկից հետո 10 ամսվա ընթացքում ոչ մի անգամ չի օգտագործվել, նշում է The Times of Israel թերթը։