Միացյալ Նահանգներն ու Կուբան կարողացել են գործարք կնքել․ ինչ մանրամասներ են հայտնի

Միացյալ Նահանգների եւ Կուբայի իշխանությունները կարողացել են գործարք կնքել, որի շրջանակներում Հավանան ազատ է արձակել 553 բանտարկյալի։ Դրա դիմաց, ԱՄՆ հեռացող նախագահ Ջո Բայդնեը Կոնգրեսին տեղեկացրել է, որ Կուբան հանվել է ահաբեկչությունը հովանավորող երկրների ցանկից։ Այս մասին հայտնում է Սպիտակ տան մամուլի ծառայությունը։
Բայդենի իրազեկման հայտարարության մեջ նշվում է, որ վերջին վեց ամսում Կուբան որեւէ կերպ չի աջակցել միջազգային ահաբեկչությանը եւ տրամադրել է երաշխիքներ Միացյալ Նահանգներին, որ ապագայում էլ չի աջակցի միջազգային ահաբեկչությանը։ Հիշեցնենք, որ Կուբան ամերիկյան սանկցիաների տակ է գտնվում սկսած 1962 թվականից։ Բայդենի այս որոշումը Կուբայի կոմունիստական կառավարությունը ողջունել է, համարելով ճիշտ ուղով կատարված քայլ, սակայն եւ ափսոսանք է հայտնել, որ 62 թվականից սահմանված սանկցիաները դեռ շարունակում են գործել։ AFP-ի փոխանցմամբ, Կուբան Միացյալ Նահանգներին է համարում մեղավոր այն բանում, որ տասնամյակներ շարունակ գտնվում է տնտեսական ճգնաժամային պայմաններում, որն արտահայտվում է պարենամթերքի, դեղամիջոցների, վառելիքի ու էլեկտրականության դեֆիցիտի առկայությամբ։
Կարծիքներ