Լիոնել Մեսսի՝ 21-րդ դարի լավագույն ֆուտբոլիստը․ FFT
Hraparak
28 Նոյեմբեր 2023 | 22:00
0
Արգենտինայի հավաքականի և ամերիկյան «Ինտեր Մայամի»-ի հարձակվող Լիոնել Մեսսին FourFourTwo վարկածով ճանաչվել է 21-րդ դարի լավագույն ֆուտբոլիստ։ Վարկանիշը հասանելի է հրատարակության կայքում։
«Ալ-Նասր»-ի և Պորտուգալիայի հավաքականի հարձակվող Կրիշտիանու Ռոնալդուն զբաղեցրել է երկրորդ տեղը։
Երրորդը Իսպանիայի հավաքականի և «Բարսելոնայի» նախկին ֆուտբոլիստ Անդրես Ինյեստան է։
Չորրորդ տեղը զբաղեցրել է կատալոնական գրանդը ներկայումս գլխավորող կիսապաշտպան Չավին։
Հինգերորդը Բրազիլիայի հավաքականի և «Բարսելոնա»-ի նախկին կիսապաշտպան Ռոնալդինյոն է։
Հավելենք, որ Մեսսին «Ոսկե գնդակի» 8-ակի դափնեկիր է։ «Բարսելոնա»-ի կազմում նա տասն անգամ դարձել է Իսպանիայի չեմպիոն, չորս անգամ՝ Չեմպիոնների լիգայի հաղթող։
Արգենտինայի հավաքականի հետ հարձակվողը դարձել է աշխարհի չեմպիոն։
Կարծիքներ