Ինքնակամ հրաժարական չի տա
Նարեկ Հարությունյան
12 Դեկտեմբեր 2024 | 20:00
0
Հարավային Կորեայի նախագահ Յուն Սոկ Յոլը՝ իր երկրի բնակիչներին ուղղված ուղերձում հայտարարել է, որ մտադիր չէ կամավոր կերպով հրաժարական տալ զբաղեցրած պաշտոնից։ Նա նաեւ ասել է, որ պատրաստ է անցնելու իր դեմ սկսված իմփիչմենտի գործընթացի միջով։ Այս մասին հայտնում է Yonhap լրատվական գործակալությունը։ «Ես պատվով կանցնեմ իմփիչմենտի կամ հետաքննության գործընթացներով»,- ասել է նա։
Ավելի վաղ էլ հայտարարել էր, որ վստահում է իր՝ որպես նախագահի պաշտոնավարման ժամկետի հարցի առնչությամբ որոշման կայացմանը իշխող կուսակցությանը։ Հիշեցնենք, որ Յուն Սոկ Յոլի դեմ իմփիչմենտի քվեարկությունը լինելու է դեկտեմբերի 14-ին։
Կարծիքներ