Եւս մի դատախազ դիմում գրեց

Որքան էլ գլխավոր դատախազությունը հերքի, թե կադրերի արտահոսք չկա եւ դատախազները շարունակում են աշխատել՝ չմիանալով կառավարության դեմ ընթացող պայքարին, մենք տեղեկացանք, որ այսօր հերթական դիմումն է գրվել համակարգից ազատվելու մասին։ 

ՀՀ գլխավոր դատախազության Քրեակատարողական հիմնարկների նկատմամբ օրինականության վերահսկողության վարչության պետ, գնդապետ Գրիգոր Պողոսյանը մասնակցել է Արժանապատվության երթերին։ Այդ մասին տեղեկացել է վերադասը։ Այսօր նրան կանչել են դատախազություն, ասել են՝ ինչու ես մասնակցել ընդդիմության երթերին, ասել է՝ լավ եմ արել եւ աշխատանքից ազատվելու դիմում է գրել։

Մենք տեղեկացանք, որ դիմումը դեռեւս մակագրված չէ, սակայն ամենայն հավանականությամբ առաջիկայում կստորագրվի։