Նոր մանրամասներ Բեյրութում որոտացած պայթյունից. կան զոհեր

Լիբանանի մայրաքաղաք Բեյրութում որոտացած ուժգին պայթյունից առնվազն 10 մարդ մահացել է, կան բազմաթիվ վիրավորներ։ Այս մասին հայտնում է Reuters լրատվական գործակալությունը։ BBC-ն էլ հայտնում է, որ պայթյունը որոտացել է նավահանգստում։ Պայթյունից հետո ձեւավորվել է սնկանման ամպ։ Ըստ հաղորդումների, պայթյունը որոտացել է անգլիալեզու Daily Star թերթի խմբագրության մոտ։ Որոշ հաղորդումների համաձայն, երկրորդ պայթյունը որոտացել է Հարիրիի նախկին նստավայրի մոտ։ LBC հեռուստաընկերության եթերում Լիբանանի առողջապահության նախարար Համադ Հասանը, ով հանդիսանում է «Հըզբոլլահի» ներկայացուցիչը կառավարության կազմում, հայտարարել է, որ տուժածների թիվը չափազանց շատ է։ Շրջանառվում են մի քանի վարկածներ, որոնցից մեկի համաձայն, պայթյունը կազմակերպել է Իսրայելը։ Իսրայելական N12 հեռուստաընկերության եթերում Իսրայելի ԱԳ նախարար Գաբի Աշքենազին հայտարարել է, որ իր երկիրը որեւէ կապ չունի այդ պայթյունի հետ։