Հայտնի են աշխարհի ամենաթանկ քաղաքները․ վարկանիշային ցանկ

Շվեյցարական Ժնեւը ճանաչվել է այս տարվա ամենաթանկ քաղաքը։ Նշենք, որ աշխարհի ամենաթանկ քաղաքների ցանկում ներառված է 218 քաղաք։ Հաշվի են առնվում բազմաթիվ գործոններ, որոնք ազդում են այդ քաղաքներում ապրելու գնի վրա, ելակետ ընդունելով չորս հոգանոց ընտանիքի համար պահանջվող ծախսերը։ Վարկանիշում առանցքային այսպես կոչված «կյանքի արժեքի ինդեքսն» է։ Այն արտացոլում է սպառողական ապրանքների գները, ներառյալ սննդամթերքը, ռեստորանային ծառայությունները, տրանսպորտը, կումունալ վճարները։ Հետաքրքրական է, որ այդ ծախսերի մեջ չեն մտնում բնակտարածքի վարձակալությունը կամ հիփոթեքը։ Եւ ահա, Ժնեւը այս ցանկում հավաքել է 101,7 միավոր։ Երկրորդ տեղում Ցյուրիխն է՝ 100,4 միավորով։ Երրորդում Նյու-Յորքոն է։ Ապա գալիս են Սան-Ֆրանցիսկոն, Բոստոնը։ Ամենաթանկ քաղաքների ցանկում են Ռեյկյավիկը, Վաշինգտոնը, Չիկագոն, Լոս-Անջելեսը։ Ամենաբյուջետային քաղաքներն են Կարաչին, Լախորը, Կալկաթան։ Երեւանը այդ ցանկում 126-րդ հորիզոնականում է, Թբիլիսին՝ 153—րդում, Բաքուն՝ 171-րդում։