Դմիտրի Մեդվեդեւը համոզված է՝ Ղարաբաղյան հակամարտությունը չի կարելի լուծել ուժային ճանապարհով

Ռուսաստանի Անվտանգության խորհրդի քարտուղար Դմիտրի Մեդվեդեւը կարծում է, որ Ղարաբաղյան հակամարտությունը չի կարելի ուծել ուժային ճանապարհով եւ կարգավորումը պետք է իրականացվի բացառապես քաղաքական-դիվանագիտական միջոցներով։ «Լեռնային Ղարաբաղյան հակամարտության գոտում ներկայիս նոր սրացումը հերթական անգամ հանգեցրել է արյունահեղության եւ մարդկային զոհերի։ Լեռնային Ղարաբաղի խնդիրը չի կարելի լուծել ուժային ճանապարհով։ Հակամարտությունը պետք է կարգավորվի բացառապես քաղաքական դիվանագիտական միջոցներով»,- ասված է Մեդվեդեւի «ՎԿ» սոցկայքում կատարած գրառման մեջ։ Նա նաեւ հավելել է, որ անհրաժեշտ է օգտվել բոլոր միջոցներից, Ղարաբաղյան ճգնաժամի հաղթահարման համար, ինչպես ԵԱՀԿ ՄԽ-ից, այնպես էլ Ռուսաստանի հետ երկկողմ ֆորմատից։