Մայք Պոմպեոն ու արքայազն Մուհամմադը քննարկել են Իրանի հարցը

ԱՄՆ Պետքարտուղար Մայք Պոմպեոն ու Սաուդյան Արաբիայի գահաժառանգ արքայազն Մուհամմադ բին Սալման ալ-Սաուդը Էր-Ռիյադում տեղի ունեցած հանդիպման ժամանակ քննարկել են Իրանի հետ կապված խնդիրը։ Այս մասին Պետքարտուղար Պոմպեոն գրառում է կատարել իր թվիթերյան էջում։ Քննարկվել են նաեւ հարցեր կապված սաուդական միապետության նավթային ենթակառուցվածքների հետ։ Պոմպեոն ասել է, որ աջակցում է Սաուդյան Արաբիայի՝ ինքնապաշտպանության իրավունքին եւ անթույլատրելի է համարել իրանական սպառնալիքը։