Կստեղծեն իրենց ապահովագրական ընկերությունը 

ԲՌԻԿՍ անդամ երկրները կստեղծեն իրենց անկախ ապահովագրական ընկերությունը, որի հիմքում դրված կլինեն ժամանակակից տեխնոլոգիաները։ Վերջինս կգործի անկախ քաղաքական որոշումներից։ Այս մասին «RT Arabic»-ի հետ զրույցում հայտարարել է ՌԴ Ֆինանսների նախարար Անտոն Սիլուանովը։ Համաձայն ռուս պաշտոնյայի, ներկայումս արդեն հասունացել է պահը, որպեսզի երկրների միջեւ առեւտրային կապերը ապահովագրվեն։

Այդ նպատակով էլ ստեղծվելու է ապահովագրական ընկերությունը, որը թույլ կտա կառուցել ապրանքների, բեռների եւ ծառայությունների ապահովագրման համակարգ, որն իր գործունեության ընթացքում կախված չի լինի քաղաքական որոշումներից։ Սիլուանովը նաեւ նշել է, որ ներկայումս, երբ նկատվում է համաշխարհային տնտեսակարգի մասնատում, նման ընկերություն ունենալը անհրաժեշտություն է։ Ռուս նախարարը ասել է, որ ակնկալիքn այդ ընկերությունից մեկն է՝ որակյալ կերպով ապահովել ԲՌԻԿՍ անդամ երկրների էկոնոմիկաների պահանջները։