Ով կփորձի Հրազդանը սարքել Էջմիածին, ինքն, ուրեմն, ժողովրդին չի ընդունում կամ չի սիրում. Սեւակ Միքայելյան

Հարզացրույց Հրազդանի քաղաքապետ Սեւակ Միքայելյանի հետ: 

- 2020 թվականին որքա՞ն պարգեւավճարներ է բաժանել քաղաքապետարանը: 

- Ես պարգեւավճար չեմ ստացել, ես ինքս ինձ չեմ պարգեւատրել: Աշխատավարձի տնտեսում ենք ունեցել՝ 33 մլն. դրամ, որից 190 աշխատակից ստացել է 13-րդ աշխատավարձ՝ 21մլն. դրամ: 
Իմ աշխատած տարիներին ես կարեւորել եմ մաքրուհիներին եւ բանվորներին, նրանք միշտ իմ ուշադրության կենտրոնում են, որովհետեւ ամենածանր աշխատանքը իրենք են կատարում: Ես իրենց միշտ պարգեւատրել եմ, եւ շատ ուշադիր են նրանց նկատմամբ։

- Ի՞նչ աշխատանքներ եք պլանավորել կատարել այս տարի: 

2021 թվականին այնպիսի աշխատանքներ են կատարվելու Հրազդան քաղաքում, որ վերջին 20 տարիների ընթացքում չեն կատարվել: Աննախադեպը չունեցող ասֆալտապատման աշխատանքներ են կատարվելու մոտ 80 հազար քմ: Ընդանուր գումարը 500 մլն ՀՀ դրամ է, որից քաղաքապետարանը կհատկացնի 250 մլն.ՀՀ դրամ, 45%-ն էլ կֆինանսավորվի կառավարության կողմից: Ասեմ, որ մենք այս տարի բյուջեի մուտքերն ավելացրել ենք՝ 1 մլրդ. 250 մլն դրամից հասցնելով 2 մլրդ.-ի: Դրա արդյունքում կարողանում ենք աշխատանքներ կատարել: Բազմաբնակարան շենքների բանկերն ենք ասֆալտապատելու, 3 խաղահրապարակ է կառուցվելու: Թաղամասեր կան, որ անգամ սյուներ չկան, լուսավորության հարց ենք լուծելու: Պաշտոնը ստանձնելուց հետո ժառանգել են 77 չգործող վերելակ: 2 տարվա ընթացքում շահագործվել է 40 վերելակ, եւս 2-3 տարի եւ Հրազդանում չի լինելու մի բազմաբնակարային շենք, որ վերելակը  չգործի: Ոչ թե ինձ պետք է հիշեցնեն, որ այս կամ այն շենքի վերելակը չի գործում,այլ ես տեղյակ եմ, դա իմ համար գերխնդիր ա: Այս տարի 5 վերելակ կվերանորոգվի ոչ համայնքային միջոներով, այլ մաքուր, արդար միջոցներով: Ես ընդհանուր ընկերներ ունեմ Մոսկվայում, որոնց միջոցով տարբեր սարքավորումներ եմ ձեռք բերել եւ իմ անձնական լուման ներդրել:

- Քաղաքապետարանը պարտքեր ունի՞: 

Մինչեւ 2025 թվականը նախորդից ժառանգած պարտք ունեմ՝ 543 մլն. դրամ: Մինչու օրս մարել եմ 100 մլն.դրամը: Եթե այդ պարքերը չլիներ, այդ գումարները կծախսվեր ի  նպաստ համայնքի: 

- Երբ Փաշինյանը վարչապետ դարձավ, խոստացավ, որ նոր Հայաստանում նախկինների վարքերն ու բարքերը չպետք է գործեն՝ աշխատանքի ընդունել ծանոթ, բարեկամ, ընկեր, խնամի: Այսօր Հրազդանի քաղաքապետարանում պաշտոն են ստանում Ձեր ծանոթները, բարեկամները, ընկերները, խնամին: Այն ինչ արվում էր Արամ Դանիելյանի օրոք, նույն ոճով Դուք եք աշխատում: Այս առումով ո՞րն է Ձեր եւ Դանիելյանի տարբերությունը: 

- Իմ ու Դանիելյանի միջի տարբերության գնահատականը տվողը ես չեմ: Գնահատական տվողը նաեւ դուք եք, որպես համայնքի բնակիչ: Ես նորից են ասում, որ այնպիսի մեծ աշխատանքներ եմ իրականացրել Հրազդան քաղաքում, որ չեն իրականացվել վերջին 20 տարիների ընթացքում: Ինչ վերաբերվում է աշխատողների առումով, նրանք բոլորը տեղում են: Չկա մի աշխատող, եթե անգամ հարազատ է, ինքը ՀՀ քաղաքացի ա, եւ առավելություն չի կարող ունենալ, ավելի պարտավորված պետք է իր աշխատանքը  կատարի: Հրազդանի բնակչությունը  քաջատեղյակ է, թե իմ աշխատելաոճը ոնց ա, իմ մոտ չկա բարեկամ, հարազատ, նման հասկացողություն: Գործը՝ գործ, բոլորը պետք է աշխատեն, բոլորը պետք է ծառայեն հրազդանցուն ոչ միայն խոսքերով: Ես իմ ժողովրդին հուսախաբ չեմ անի, ես ասում եմ Հրազդանը լինելու է Հայաստանի առաջատար քաղաք, բոլոր ոլորտներով:

- Արամ Դանիելյանի դեմ քրեական գործ հարուցվեց չարաշահումների հետ կապված, ի՞նչ ընթացքի մեջ է այդ պրոցեսը: Համայնքին տված վնասը փոխհատուցե՞ց նախկին քաղաքապետը:  

- 138.մլն չարաշահում է եղել հարկային բաժնում, դեռ դատական պրոցեսը շարունակվում է:

- Պատերազմի օրերին վարչապետը կոչով դիմեց համայնքի ղեկավարներին ջոկատներ կազմել եւ մեկնել Արցախ: Մասնակիցը դարձե՞լ եք պատերազմի:

- Ինչով կարողացել եմ օգնել եմ, ջոկատներ կազմել ենք, գնացել ենք մի քանի օր պատրաստվել ենք, բայց հրաման չի եղել գնալու: Այդ օրերին Հրազդանում ունեցել ենք 5000 քաղաքացիներ, օգնել ենք թե՛ սնունդով, թե՛ բնակարանով: Ներկայումս 1700 քաղաքացի ունենք Հրազդանում, մնացածը հետ են վերադարձել: 

- Հրազդանցի բարերարների կողմից այդ օրերին ՈՒԱԶ մակնիշի 2 մեքենաներ նվիրաբերվեց համայնքին: Եթե գաղտնիք չէ, ո՞ր զորամասին եք նվիրաբերել այդ մեքենաները: Դուք անձա՞մբ եք տեղ հասցրել դրանք:
 

- Տեղեկություն չունենք դրա հետ կապված: Մենք  գիտենք, որ տեղ հասել ա, եթե ինչ որ մեկը նկարվելու համար էդպես բան պիտի անի, դա ես չեմ ընդունում: 

- Պատերազմի օրերի ընթացքում իշխանությունը խաբեց հանրությանը, 44 օրերի ընթացքում մենք միայն լսում էինք, որ «Հաղթելու ենք»: Ի՞նչ եղավ, որ չհաղթեցինք: 

- Ես այս հարցի շուրջ ոչ մի պատասխան չեմ ուզում տալ: Ինչ գնահատական տալիս է ժողովուրդը, նույն գնահատականն էլ տալիս եմ ես, ուրիշ ոչ մի բան չեմ կարող ասել:

- Մամուլում շրջանառվում է, որ Ձեր հայրը՝ Սասուն Միքայելյանը չի վիրավորվել, այլ վթարի է ենթարկվել: Որտեղի՞ց են այս խոսակցությունները: 

- Բացարձակ սուտ է ու կեղծիք է: Սասուն Միքայելյանը վիրավորվել է Ջաբրայիլում, մարտ ամսին ինքը կխոսի: Այդ սնարյադից զոհվել են 8 հոգի՝ Շահենը, Արմենն ու էլի տղաներ: Եթե Սասուն Միքայելյանը 2 մետր այն կողմ կանգնած լիեներ, չեմ ուզում ասել, ինքը կարող է այսօր չլիներ: Այս ընթաքում 4 անգամ վիրահատվել է, բժիշկները կարող են վկայել, թե ինչ վիրահատություններ է արվել: Ոտքի հետ կապված լուրջ խնդիր ունի, ոտքի թաթը չի շարժվում, ներվը վնասվել է, հիմա էլ բուժումներ է ստանում: 

- Ճի՞շտ է, որ Հանքավանում մեծ կալվածքներ ունի Ձեր ընտանիքը:  

- Ի՞նչ կալվածքներ: Մենք ինչ ունենք մաքուր, արդար ձեւի ունենք: Մենք ծառայում ենք Հայաստանի Հանրապետությանը, ու հրազդանցին լավ գիտի իմ աշխատանքը, թե ինչ մաքուր եմ աշխատում, եւ իմ լուման մեծ է քաղաքի զարգացման հարցում: Ժամանակի ընթացքում ժողովուրդը իր գնահատականը կտա, ով ինչ արել է, ով մաքուր չի աշխատել եւ չի աշխատում, հա՛մ պատմության առաջ պատասխան կտա, հա՛մ ժողովրդի, հա՛մ էլ Աստծու առաջ պատասխան կտա: Ես այդ կասեմ: 

- Մամուլում քննարկվում է, որ  Ձեր հայրը ազգուտակին պաշտոնների է նշանակել: Մարդիկ Հրազդանը համեմատում են Էջմիածնի հետ, իսկ Ձեր հորը՝ Մանվելի հետ: Ստացվում է, որ ԵԿՄ-ի նախագահները նույնն են: Ի՞նչ կասեք այս մասին: 

- Մարտական ընկերների խնդրանքով է հայրս դարձել ԵԿՄ-ի նախագահ: ԵԿՄ-ն այս պատերազմում մեծ ներդրում ունեցել է, 4000 ավելի երկրապահներ մեկնել են կռիվ: Ինչ վերաբերվում է, թե Հրազդանը սարքել են Էջմիածին, դա սուտ է, կեղծիք է: Ով կփորձի Հրազդանը սարքի Էջմիածին, ինքը, ուրեմն, ժողովրդին չի ընդունում կամ չի սիրում: Մեր բնակարանը մինչ օրս չունի թիկնազոր, կամ թիկնապաներ մեր բնակարանը չեն հսկում, անգամ պարիսպներ չունի մեր բնակարանը, կարող եք գալ նկարել: Քաղաքացին կարող է գիշերվա ժամը 4-ին մի հարցով գա մոտենա, մեր դուռը ծեծի, մենք դուրս գանք իր հարցին պատասխանենք կամ հարցը լուծենք: Արգելք չկա, որ կարող է խոչընդոտ հանդիսանալ մոտենալ մեր բնակարանին: Ինչպես կարելի է համեմատել, մենք գիտենք՝ ժամանակին Էջմիածնում ինչ է եղել: Մանվել Գրիգորյանը կռված մարդ ա, պատերազմ անցած մարդ ա, ես ճիշտ չեմ համարում այս պահին իր մասին ինչ որ բան ասել, բայց  չեմ ուզում   համեմատականեր անցկացնել: Հրազդանցին լավ գիտի՝ ոնց ենք աշխատում, ու օրենքի առաջ բոլորն էլ հավասար են, ով ուզում է լինի, չկան արտոնյալներ՝ ինձանից սկսած: