ԿԸՀ-ն մանդատներ տրամադրեց 4 նոր պատգամավորի․ ովքեր են նրանք

ԿԸՀ-ն մանդատներ տրամադրեց 4 նոր պատգամավորի․ ովքեր են նրանք

Կենտրոնական ընտրական հանձնաժողովը պատգամավորական մանդատներ տրամադրեց Մհեր Սահակյանին, Արփինե Վարդանյանին, Արման Ղազարյանին ու Իրինա Գասպարյանին («Հայաստան» խմբակցություն), «Հայաստան» դաշինքի ընտրական ցուցակում ընդգրկված պատգամավորի 6 թեկնածու ինքնաբացարկի դիմում էր ներկայացրել՝ այսպիսով հրաժարվելով մանդատներից:

ԿԸՀ-ն նիստում նախ ուժը կորցրած ճանաչեց «Հայաստան» կուսակցությունների դաշինքի ընտրական ցուցակում ընդգրկված պատգամավորների թեկնածուներ Ռիմա Ղազարյանի, Ռուբեն Մելքոնյանի, Ռոբերտ Հայրապետյանի, Մարիա Պետրոսյանի, Սայաթ Շիրինյանի, Դավիթ Սահակյանցի գրանցումը՝ նրանց ինքնաբացարկի դիմումների հիման վրա:

Ապա հիմք ընդունելով ԱԺ նախագահի՝ «Հայաստան» խմբակցության մի քանի պատգամավորների՝ լիազորությունները դադարած համարելու արձանագրությունները՝ ԿԸՀ-ն մանդատները տրամադրեց «Հայաստան» կուսակցությունների դաշինքի ընտրական ցուցակի առաջին մասի հերթական հաջորդ թեկնածուներին: Այսպիսով խորհրդարանում Արամ Վարդևանյանին կփոխարինի Մհեր Սահակյանը: Վահե Հակոբյանի մանդատը տրամադրվեց Արփինե Վարդանյանին, Հռիփսիմե Ստամբուլյանի մանդատը՝ Արման Ղազարյանին, Ելենա Կիրակոսյանի մանդատը՝ Իրինա Գասպարյանին: