Մակրոնը փորձում է «լեզու գտնել» ընդդիմության հետ

Ֆրանսիայի նախագահ Էմանուել Մակրոնը բանակցություններ է վարում ընդդիմության ներկայացուցիչների հետ՝ իրականացնելու մի շարք միջոցառումներ, որոնք նրանք առաջարկում են՝ կառավարությանն անվստահություն հայտնելու մասին խոստման դիմաց։ 
Այս մասին գրում է Politico-ն՝ հղում անելով աղբյուրներին։

«Նա դռները չի փակում... Որոշակի միջոցառումների վերաբերյալ գործարքները կարող են քննարկվել անվստահության քվեի օգտին չքվեարկելու խոստման դիմաց, ինչը կհանգեցնի կառավարության հրաժարականին»,- ասել է հրատարակության զրուցակիցը՝ չհստակեցնելով, թե ինչ միջոցներ են քննարկվում։
Ֆրանսիայում արտահերթ խորհրդարանական ընտրությունների անսպասելի արդյունքի հետեւանքները շարունակում են զարգանալ։ 

Մակրոնի կոալիցիան զբաղեցրել է երկրորդ տեղը՝ ստիպելով վարչապետին հրաժարական տալ։ Հիշեցնենք, որ հուլիսի 16-ին Ֆրանսիայի նախագահ Էմանուել Մակրոնն ընդունել է վարչապետ Գաբրիել Աթալի կառավարության հրաժարականը։
Մակրոնը արտահերթ ընտրություններ նշանակեց այն բանից հետո, երբ աջերը զգալի աջակցություն ստացան հունիսին Եվրախորհրդարանի ընտրություններում։ Առաջին փուլը տեղի ունեցավ հունիսի 30-ին։ 

Այնուհետեւ Ազգային Միավորում-ը ստացել է ձայների 33,15%-ը, NFP-ն՝ 27,99%-ը, իսկ Մակրոնի կոալիցիան՝ 20,04%-ը։ 

Ֆրանսիայում արտահերթ խորհրդարանական ընտրությունների երկրորդ փուլում հաղթել է ձախ ուժերի «Նոր ժողովրդական ճակատ» կոալիցիան։ Էմանուել Մակրոնի «Միասին» բլոկը զբաղեցրել է երկրորդ տեղը, իսկ աջակողմյան Ազգային Միավորում-ը՝ միայն երրորդն է։