Գոգյանը լավ հարցազրույց տվողներից չէ. արձագանք վարչապետին
Վարչապետ Նիկոլ Փաշինյանն այսօրվա ասուլիսում անդրադարձավ հարցին, որ պետական կառավարման համակարգից հեռանում են արդյունավետ աշխատող կադրերը, ի՞նչ քայլեր են ձեռնարկվում արտահոսքը կասեցնելու համար: Նա ասաց.
«Ասում են՝ արդյունավետ աշխատանքով աչքի ընկնող կադրեր են հեռանում: Չկա այդպիսի բան, ո՞վ է աշխատանքի արդյունավետությունը գնահատում: Ես չեմ ասում, որ բոլոր հեռացողներն անարդյունավետ են, բայց եթե ես որպես վարչապետ տեսնեմ… Շատ դեպքեր կան, որ այսօր գրում են՝ կադրերի արտահոսք: Իսկ ո՞վ է ասել, որ մենք չենք որոշել, որ այդ կադրերը պետք է արտահոսեն ու հեռանան: Պարտադիր պետք է ինչ-որ մեծ պատմություններ դարձնենք, որ այդպես արձանագրվի՞: Բայց կարող են եզակի դեպքեր լինել, ընդգծում եմ, եզակի, որ այդտեղ գուցե մտածելու ինչ-որ բան կա, այդ մարդկանց այլ առաջարկ գուցե արվի, եթե նրանք համաձայնեն: Լավ հարցազրույց տալը դեռ չի նշանակում, որ նրանք լավ են աշխատել»: 2 օր առաջ հրաժարականի դիմում ներկայացրած, ԲՈԿ նախկին նախագահ Սմբատ Գոգյանից «Հրապարակը» փորձեց հետաքրքրվել, թե արդյոք ինքը լավ հարցազրույց տվող, բայց վատ աշխատող կադրերից է.
-Պարոն Գոգյան, Դուք լավ հարցազրույց տվո՞ղ եք։
-Ոչ։
-Ձեզ ասե՞լ են դիմում գրեք։
-Ոչ։
- Դուք արդյունավետ աշխատո՞ւմ եք։
- Եղած պայմաններում այո, բայց կարող էր ավելի լավ լինել։
-Մամուլի հարցերին պատասխանելուց երբևէ հրաժարվե՞լ եք։
- Մեկ անգամ։
-Իսկ ինչու՞ եք մերժել։
-Իրենք էլ այդ հարցը տվեցին ու իրենց բացատրեցի, հասկացան։
Կարծիքներ