Ի՞նչ գրառում էր կատարել Արմեն Մարտիրոսյանը և ինչու՞ հեռացրեց այն

Ի՞նչ գրառում էր կատարել Արմեն Մարտիրոսյանը և ինչու՞ հեռացրեց այն

Այսօր «Անտարես» հրատարակչության տնօրեն Արմեն Մարտիրոսյանը իր ֆեյսբուքյան էջում գրառում էր կատարել, որում մասնավորապես նշված էր.

«Մտել են այլ պետության տարածք, 26 տարի տիրել, հենակետեր սարքել, տներ կառուցել, հանքեր շահագործել:  Հիմա տարածքի տերն ասում է գնացեք: Ասում են հայտարարության մեջ դրա մասին բան գրած չէ: 

Էս է՞ ձեր մակարդակը:

Ես որ գամ ձեր տանը իմ գրասեղանը դնեմ ու եթե ասեք գնա` պատասխանեմ, որ հայտարարության մեջ կետ չկա ձեր բնակարանի մասին, լա՞վ կլինի»:

Իրավապաշտպան Ռուբեն Մելիքյանը անդրադարձել էր գրառմանը և իր ֆեյսբուքյան էջում գրել.

««Անտարես» հրատարակչության սեփականատերը ուղիղ թուրքական քարոզչություն է իրականացնում և բլոկում այդ մասին իրեն «տեղեկացնողներին»։

Հիշեցնեմ, որ «Անտարեսը» գերագույն գլխավոր ստահակի անճոռնի գրքի հրատարակիչն է։ Բացի այդ, վերջին 2 տարիներին այն պետությունից «չգիտես ինչու» միլիոնավոր դրամներ է ստացել ու փոշիացրել։ Առանց մրցույթի։

Փաստորեն՝ ուրիշի հող էր»:

Բացասական և քննադատող մի շարք մեկնաբանություններից հետո Մարտիրոսյանը ջնջեց գրառումը: