«Պուտինի հետ ձեռքսեղմումից հետո որոշ ժամանակ ձեռքերս չեմ լվացել». ՌԴ վերադարձած քաղաքացի

Կալանավորների փոխանակման արդյունքում Ռուսաստան վերադարձած Ռոման Սելեզնեւը ցնցված է երկրի նախագահ Վլադիմիր Պուտինի հետ հանդիպումից, ով անձամբ է նրան դիմավորել օդանավակայանում։ Նա ռուսական ԶԼՄ-ների հետ զրույցում որոշ մանրամասներ է պատմել այն մասին, թե ինչպես է անցել իր հանդիպումը Ռուսաստանի ղեկավարի հետ Վնուկովոյում:

Հայրենիք վերադարձած ռուսաստանցին խոստովանել է, որ երախտապարտ է Պուտինին իրեն ամերիկյան բանտից փրկելու համար։ «Երբ նրան տեսնում ես հեռուստացույցով, դա մի բան է, բայց երբ նա անձամբ խոսում է քեզ հետ, հասկանում ես, որ նա հոգ է տանում բոլորի մասին», - ասել է Սելեզնևը «Известия»-ին տված հարցազրույցում:

Սելեզնևը խոստովանել է, որ նախագահի հետ ձեռք սեղմելուց հետո որոշ ժամանակ ձեռքը չի լվացել, իսկ օդանավակայանում հանդիպման ժամանակ քիչ էր մնում ուշաթափվեր, երբ Պուտինը սեղմել է ձեռքը։ «Ես շոկի մեջ էի, քիչ էր մնում ընկնեի այնտեղի սանդուղքից», - RT-ի հետ զրույցում կիսվել է Սելեզնևը՝ նկարագրելով իր զգացմունքները Վլադիմիր Պուտինի հետ հանդիպումից։ Տուն վերադառնալուց և բուժում անցնելուց հետո Սելեզնևը պատրաստակամություն է հայտնել օգնել Ռուսաստանին բոլոր հնարավոր միջոցներով։

«Ինչ էլ որ ինձանից պահանջվի, ես կանեմ», - ասել է նա: