էս իշխանություններից не в восторге, բայց բանակի շատ բաներ դուրս չեն գալիս

Հայկ Գևորգյան 22 Փետրվար 2023 | 22:15 0

«Հրապարակի» հարցերին պատասխանում է Արցախի ինքնապաշտպանական առաջին ուժերի առաջին հրամանատար, ազատամարտիկ Արկադի Կարապետյանը:

- Գրգորի Խաչատուրովը ձերբակալվեց, հետո դատարանը մերժեց կալանքի միջնորդությունը, Սեյրան Օհանյանը քրեական հետապնդման է ենթարկվում, Արցախի ՊԲ հրամանատարներ Միքայել Արզումանյանը, Ջալալ Հարությունյանը։ Առհասարակ նրանք, ովքեր ավանդ ունեն բանակի կայացման գործում, ենթարկվում են քրեական հետապնդումների: Ձեր կարծիքով` ինչո՞ւ:

- Իսկ դու հաստատ գիտե՞ս, որ իրենք բանակի համար շատ լավ բաներ են արել: Ասածս էն ա, որ էս իշխանություններից не в восторге, սակայն հարցը դա չէ: Գրիգորիին չեմ ճանաչում, գուցե լավն ա, չգիտեմ, բայց մնացածը շատ վիճելի հարցեր են, ես գիտեմ, թե ով ինչ ա արել բանակի համար: Վերջը, մի խոսքով: Ինձ համար էլ շատ բաներ մութ են: Բանակի շատ բաներ դուրս չեն գալիս, իշխանությունների շատ բաներն էլ դուրս չի գալիս, բայց ում, որ դու նշում ես, վերջը մի խոսքով.... ես ինչ խոսում եմ, պատասխանատու եմ:

- Իսկ Ձեր գնահատմամբ` երկիրն ի՞նչ վիճակում է:

- Երկիրը լավ վիճակում չի, էդ սաղ էլ գիտեն:

- Արցախը երկու ամսից ավելի է, բլոկադայի մեջ է, ի՞նչ անել:

- Սաղ էլ գիտեն, որ բլոկադայի մեջ ա, որ ասում ենք՝ չեն լսում, որ լսեն, էն վախտ կհասկանան:

- Ամեն դեպքում լսողներ կան, դուք կարող եք ասել:

- Լսողներին ինչ պետք ա անձամբ ասում եմ:

- Գրիգորի Խաչատուրովի մասին, կարծես, լավ կարծիք ունեք:

- Խաչատուրովի գործողությունները տեսել եմ, դուրս եկել են:

- Ի՞նչ գործողություններ:

- Դե վերջը, մի երկարացրու:

- Իսկ Խաչատուրովին ձերբակալելուն ի՞նչ գնահատական կտաք:

- Էլի եմ ասում` չգիտեմ: